我都係冇變

一開始以為佢會帶我上岸，結果先知自己陷入深淵

Mr An .Banker 30頭一齊咗兩個月，雖然唔耐，但我連佢個名都唔知叫做咩，我記得第一次見佢我哋約喺旺角見，我搵咗幾間餐廳俾佢揀，之後嗰間餐廳睇到好多人要排隊，我哋就去咗第二間，我記得第一次同佢食飯，我話我想食兒童餐，佢係嗰度笑我，嗰時我唔太肚餓，亦都見到個Menu啲嘢食好貴，所以先諗住要個兒童餐就算，之後餐廳職員話得小朋友先有得嗌兒童餐，最後唯有嗌咗杯嘢飲，起初問佢點解會搵PTGF,佢話同女朋友分咗手冇幾耐，我亦都相信咗，食完飯我哋就上房，佢冇買condom，我叫佢落七仔買返。但係其實佢已經俾咗錢我，待到買完返番間房之後，我問佢你驚唔驚我走咗，佢話唔驚，佢信得過我⋯⋯返到屋企同佢都有keep住傾偈，佢亦都好似好着緊我，同佢一齊，相處得都幾舒服，我同佢10日見咗5次，陪我做功課，佢會lunch time鼠出嚟同我一齊食嘢，佢會係我唔開心嘅時候安慰我，佢會陪我去睇醫生，佢會陪我去打卡，帶我去食鍾意食嘅嘢，我每次都會攬實佢.

之後佢都提及想佔有我，哩度無咩好男人，如果想佔有我就俾家用我啦，而佢真係應承咗我，未識佢之前，發生咗好多事，個處境都好差，我都好唔開心，同佢一齊緊嘅嗰段時間，有人錫我，有人關心我，有人係我難過嘅時候陪住我，佢亦都俾咗好大希望我，而呢個男人亦都令我瘋狂愛上佢，因為佢令我覺得佢鍾意我，佢好關心我，佢個眼裡得我一個女人，同佢一齊我當自己拍緊拖，而我都好驚呢段感情好快就會消失，亦都驚對方唔係單身，同我一齊佢好似成日都唔掂部手機，每一次都問佢有冇女朋友或者老婆，自己都冇乜安全感，我亦都記得好多次自己屈埋一邊喺度偷偷喊，可能唸起自己一點唔開心嘅處境，亦都可能驚佢突然離開

幸福來得好快，亦都走得好快，過咗兩個月之後，佢亦都冇點搵我，個原因係因為佢疫情令到佢份工好忙，屋企有事佢走唔開，我亦都問咗佢好多次見唔見我，佢都話唔得閒，由日日傾偈去到一個星期冇幾句，我認都真係幾崩潰，夜晚都會偷偷喺嗰度喊，以為自己失戀。不過唔緊要啦，我等，我唔介意等，等多兩個月，佢話佢有排都唔會見我，之後我又開始約人。

過多兩個月之後，佢再搵我傾偈，我叫佢幫我買嘢，不過我有俾返錢佢，我仲記得之前同我出街我買嘢我都唔會捨得叫佢俾錢，佢亦都冇買過一樣禮物俾我，而我會想想買啲禮物俾佢，就因為果次佢幫我買嘢，我哋又再保持聯絡，有一次上房佢幫我做功課，我哋又有搞嘢，我話我唔鍾意人哋當我係SP,佢第二日俾返啲家用我，而嗰次做功課都令我徹底清醒，佢教我做功課，錄左條片俾我，我見到佢個英文名，走去其他交友網站搵佢個名，見到佢同一個女人攬住kiss ,背景仲係Paris.影婚紗相先會去法國，嗰一刻我真係崩潰，我愛上嘅人係一個有婦之夫，令我覺得成件事好搞笑我只不過係一個玩意令人玩弄我只不過陪人哋再經歷一次所謂嘅初戀知道自己咁樣俾人呃果斷時間都好崩潰同人哋出去玩定係返工唸起都會流眼淚應該就係愛得幾深恨得就有幾深