沉船點算？認清自己打獵嘅心態

如果問當時聽到Elsa嘅回應有咩感覺，小弟會覺得係一種解脫，你問事前有冇期待Elsa都對自己有感覺，小弟可以好肯定咁講「有」。理性咁諗如果喺呢段關係上雙方都沉咗，呢個一定係最壞嘅情況，因為呢段關係係唔能夠發展落去。所以當肯定Elsa對小弟，只有一種接受到上房嘅鍾意，而沒有其他額外嘅感覺嘅時候，小弟係失望但又釋懷，亦可清醒一點。雖然小弟有諗過以後唔再約以免越踩越深，但對住面前嘅Elsa，小弟決定保留現狀，希望見多一次得一次。
由於限聚令嘅關係，所以十點前就離開餐廳。唔知點解，小弟當時好想捉緊Elsa，喺街上都冇顧慮撞到熟人，同Elsa拖住手行，而小弟亦第一次要求送佢搭車，喺巴士站度希望㗎車唔好咁早嚟，等小弟可以見佢多一陣。最後巴士到咗，小弟目送巴士離站先走。
呢次約會之後，小弟想去幫Elsa喺經濟上嘅問題，喺TG上提出一些建議，不過大家喺TG上嘅應對都唔係太認真。小弟雖然有再約Elsa想講清楚，但事實上都係不了了之。
剛巧小弟喺長假期後放大假，喺呢段思緒混亂嘅時期，搵咗一個有同小弟去玩嘅兄弟傾下自己嘅狀況，希望聽下其他人意見。小弟同佢直認高估左自己出嚟玩嘅心態，認為自己唔會投放感情，但呢一刻卻沉咗船。呢位兄弟有一段時間都糾纏係多角關係中，小弟希望喺佢身上了解可以點處理，最重要係點樣結束。佢同小弟講每個男人都有一種打獵嘅心態，想發展多一段關係無非想証明自己仲有魅力，感情係會有，但出發點可能係覺得同對方有可能而出手去証明自己。小弟深深感謝兄弟嘅呢番說話，佢冇話小弟啱定錯，但好舒服咁話比小弟知其實自己係仆街，唔係感性。
小弟聽到佢嘅話，覺得自已對Elsa有嘅係一種貪念。貪有一日佢對小弟會有感覺，貪可以了解佢更多好似普通情侶咁，更貪可以同佢呢段關係變成免費。當除去咗或滿足咗呢啲貪念，小弟對Elsa嘅興趣就會消失。而呢個諗法，令小弟搵到點樣調節自己嘅心態去結束對Elsa嘅感覺。無論往後點發展，呢段關係最終都要結束，理想嘅係喺一個對大家都冇乜傷害嘅情況下完結。呢一刻，小弟就朝住這方向出發。
最後小弟多謝有睇哂嘅朋友，呢幾篇嘢係小弟思緒最混亂時嘅其中一個宣泄方法，將自己嘅感受記錄喺文字裏面。其實小弟呢啲一日係咸蟲，一世都係咸蟲嘅人，喺不久嘅將來，應該會繼續喺呢個圈子裏搵肉體嘅快感。