每日期待對方text自己

同Elsa食晚飯嗰個星期日又約咗佢去行山，第一次約女仔拍拖行山，心情有啲緊張，天未光就起身。由於中午有家庭活動，所以行山路線揀啲約兩個鐘可以完成嘅。

可能晨早行山冇咁怕遇到熟人，所以起程冇幾耐就拖住手一齊行，有一種久違嘅拍拖感覺，真心感覺正過係房，而呢個亦都係之前去玩冇可能有嘅感覺。上到山頂，Elsa都冇理周圍嘅人同我kiss，雖然當刻小弟行到回乾覺得自已有啲口臭，但佢一啲都唔介意。其實小弟係一個好單純嘅男人，嗰一刻完全沉醉喺同Elsa一齊嘅時間裏，理智又再一步被侵蝕。

行山終點設定係太平山頂，小弟見仲有時間就建議係山頂食啲嘢。食嘢時同Elsa講吓小弟工作上嘅經歷，見佢個樣好似特別用心聽，另小弟有一種同佢connect嘅感覺。食完嘢Elsa問可唔可以一齊坐纜車落山，喺嗰一刻嘅小弟唔好話坐纜車，佢要小弟抱佢落山都可以。

喺纜車上幫佢影相打卡，然後話題轉到佢去旅行鍾意搵攝影師幫佢影相，仲介紹小弟可以同屋企人去旅行時加插呢個環節。佢比咗一啲以前同佢Ex影嘅相比小弟睇，見到一啲佢用心安排嘅合照，嗰一刻，小弟口講啲相幾好睇，但唔知點解個心有啲揦住揦住。其實Elsa做ptgf同佢Ex有關，小弟亦知道佢依然好愛佢嘅Ex。睇到佢哋嘅相，小弟覺得自己只係身處喺佢哋兩個人嘅世界外面，呢種心情，小弟只能以笑掩蓋。

分別後小弟已經冇咗嗰種揦住嘅感覺，反而係周日嘅家庭活動中仍不停諗住Elsa，亦忍唔住諗啲話題喺TG同佢傾，雖然佢唔係經常回應，但小弟有啲失控咁不停開TG睇吓佢有冇回覆。嗰一刻小弟覺得自己有啲唔對路，於是改變TG設定容許其他人睇到最後上線時間，用以警剔自己唔可以再心思思期待佢嘅message，並決定整個星期都唔開TG。

最終小弟只可以四日冇開TG，搵咗個籍口比自己打開TG睇吓Elsa有冇message，見到冇心情有啲失落。第二日再打開，見到佢有message，嗰一刻好似得到解放，立即回覆同又再搵啲話題傾。其實小弟嗰刻覺得自已有啲唔對路，最後亦盡量控制自己weekday唔開TG，等到約佢第二次room plan前一日先再text佢。