怕諗得太多搵其他人代替

第二次約Elsa room plan都係staycation，約會前text佢都盡量平淡只係問佢仲記唔記得約咗，小弟怕自己又諗多咗，雖然當時已經諗咗好多。

而約會當日小弟早出門先辦啲私事，喺中間一段空蕩時間揾咗間cafe消磨時間，係靜落嚟嘅時候，想擺脫對上兩星期嘅思想掙扎，於是就係TG度約其他ptgf希望之後可以淡化對Elsa嘅感覺，因為記得Chloe講過有人約佢係因為沉咗其他人船，覺得可以一試。

呢次staycation嘅package其實同約Diana嗰次一樣，只係呢次book到唐閣，可以一嚐米芝連中菜。小弟好少食高檔野，所以唐閣未食過，不過Elsa試過，所以食咩就由佢發板。喺點菜嘅過程，小弟第一次見到佢運用佢嘅嗲功去應對其他人，當刻心想自己係咪死喺佢呢一招之下。

見到之前兩星期不停為佢囉囉攣嘅Elsa，奇怪嘅係心情反而好平靜，即使佢問小弟有冇掛住佢，小弟都可以平淡回應。可能見到真人冇乜嘢可以亂諗，小弟喺整個約會反而心境平靜，情感可以好容易控制到，心裏興幸自己冇乜嘢，啲理智返哂嚟。

呢次約會之後，小弟打算約一個月後先再約Elsa，覺得自己可以handle到，而且亦要嚴守budget。但一兩日後，小弟又再心思思經常睇佢有冇再text自己，最後更索性放棄治療，揾啲話題同佢傾。當時唯一嘅希望，就係嚟緊新約嘅女仔可以轉移小弟嘅焦點。

新約嘅女仔叫Faye，係喺付費會籍完結前清quota攞contact嘅其中一位，因為佢評價好，啲相又似真人，而身形望落亦合小弟心意。佢都係第一次只pure date嘅女仔，除咗約會地區唔就腳，其他都符合小弟約會嘅要求。小弟對Faye係充滿期待，因為佢喺一個評ptgf blogger嘅排名評價都好高，而且小弟當時極需要轉移對Elsa嘅思念，佢可以話係小弟想平伏心情嘅最大希望。

希望越大，失望就越大，小弟唔係指Faye唔得，而係小弟完全投入唔到。Faye屬於嬌小形，佢亦係小弟鍾意嘅slim身形，外貌ok（不過都係Elsa靚啲）第一次見面大家都搵到共同話題。問題就只係小弟完全投入唔到，約會中段已經有想盡快完結嘅念頭。最後食完嘢，大家行咗一陣就結束。

約會之後都有同Faye喺TG傾幾句，但小弟連佢有咩其他約會安排都冇問，寒暄幾句就冇再聯絡。而呢次約會，帶嚟嘅反效果就係小弟更投入同Elsa嘅關係中。