你會陪我幾耐？
今日我又再次問這種愚蠢問題。
無邊個會一路陪住邊個，其實道理我明，生命原本就有好多過客，我認我冇乜安全感，亦都好想對方一路陪住我，亦都驚對方會突然消失。
我仲記得有好幾次我瞓喺佢側邊，會偷偷喊，因為我知道佢冇可能一路陪係我身邊，亦都擺咗好大希望係佢身上，係都知有個人係身邊對自己咁好，如果有一日佢走咗，我會好難接受，好難習慣
不明不白嘅關係？
曾經我問都唔會問，之後兩個人相處得耐，有一日我問佢：你覺得我地係咩關係？佢調轉問我：你覺得我地咩關係？我話我當你係男朋友，佢話我覺得我地係情人，嗰一刻我都唔知自己係咩心情，因為我唔知點樣去理解情人呢個代名詞。（地下戀人？小三？）我又唸緊係咪錢銀令到佢用情人描述我地嘅關係。
今日，我再次經歷類似嘅嘢，只係覺得好難過好難過，因為呢d關係 呢d相處就唔清唔楚，亦都會隨時消失
如果……….我寧願你無出現！
